‘Nuk e di se ku është SPAK në këtë rast’ Belind Këlliçi për Arben Ahmetajn: Nuk e quajnë kot tigër të korrupsionit

Politikani Belind Këlliçi ka folur pasditen e sotme në një lidhje me “Skype” për “Fax News” lidhur me deklaratat e Arben Ahmetajt.

Gjatw intervistës me gazetarin Albi Rakip, ai është shprehur se ish-zv. Kryeministri ishte në një gjendje paniku dhe i intimiduar, teksa thekson që fakti se po tregon të vërtetën nuk e bën atë të pafajshëm.

“Ben Ahmetaj ka folur sepse është kërcënuar për familjen e tij. Është i pari politikan që, si zv. Kryeministër akuzon Kryeministrin që kërcënon se do të eleminojë atë dhe familjen e tij. Nuk e di se sa i sigurt është ai dhe cila është siguria e tij fizike dhe juridike në shtetin në të cilin ka marrë azilin politike.

Ai dukshëm ishte intimiduar dhe në gjendje paniku. Më vjen keq që jam pjesë e politikëbërjes në Shqipëri dhe diskutoj për një standard të tillë, që nuk ka ndodhur as në kohën e Enver Hoxhës.  Shqipëria ndodhet para një rreziku shumë të madh.”

“Unë nuk e di se ku është SPAK në këtë rast dhe se çfarë bën. Janë investuar gati 60 milionë dollarë për reformën në drejtësi, e të hidhen aq para për një institucion të tillë është qesharake. Unë kam depozituar 1200 faqe prova që faktojnë se pronari real është Erion Veliaj.

Arben Ahmetaj nuk e ka kot nofullën si “tigër i korrupsionit”. Ai po thotë të vërtetën se u kërcënua, por kjo nuk e bën atë më pak të pafajshëm.”