Sot në mbrëmje do të jetë ndeshja ndoshta më emocionuese për tifozët shqiptarë, pasi në lojë do të zbresin me kombëtaren e zvicrës katër djem që kanë gjak kuqezi.
Çka e bën dhe më të nxehtë sfidën është fakti se përballë do të kenë Serbinë, dhe në këtë moment tensioni do të shtohet edhe më shumë.
Për ti hedhur më shumë benzinë zjarrit ka menduar ministri i Jashtëm i Serbisë, Ivica Daçiç, i cili në një intervistë të fundit ka folur pothuajse si një tifoz. Ai ka deklaruar se për ndeshjen me Zvicrën është e pamundur që të mos përzihet sporti me politikën.
“Politika dhe sporti nuk duhet të jenë të përziera, por natyrisht kjo nuk është e mundur në ndeshjen e së premtes”, ka thënë fillimisht Dacic.
“Ne nuk e dimë nëse luajmë kundër Zvicrës, Shqipërisë apo Prishtinës”- shtoi më pas Daçiç.
(E.K/FAXWEB.AL)
