Deputetja e Partisë Demokratike Rudina Hajdari, gjatë një interviste për Zërin e Amerikës ka deklaruar se ka vendosur për të mos e djegur mandatin e deputetes, sepse sipas saj kjo është një mënyrë që ka zgjedhur për ti shërbyer të ardhmes së vendit.
Hajdari deklaroi se nuk ka patur një ftesë për të qenë e pranishme apo për të dhënë mendime ditën kur u mor vendimi për djegien e mandateve.
Gjithashtu ajo komenoi edhe mundësia që Partia Demokratike ta përjashtojë nga të gjitha strukturat e saj siç bëri me deputetin Myslim Murrizi duke thënë: “Ka ndodhur dy herë edhe me tim atë që e kanë përjashtuar nga Partia Demokratike, ai është titulluar si kryetar i kësaj partie, dhe për këtë vendim PD është penduar. Prandaj duhet të jemi shumë të matur me këto vendime”.
Pjesë nga deklarata:
Ky është një moment shumë i vështirë për jetën time, jam vënë përpara një përgjegjshmërie shumë të lartë politike dhge njerëzore. Të gjithë jemi në gjendje ta shikojmë se ku është e ardhmja por kemi mbi supe të kaluarën.
Jemi në një udhëkryq, dhe mendoj se duhet të zgjedh një rrugë që ka të bëjë se sit i shërbejë të ardhmes së Shqipërisë dhe qytetarëve. Parlamenti i jep oksigjen demokracisë, dhe mendoj se qëndrimi në Parlament është vendimi më i duhur për ti shërbyer të ardhmes së Shqipërisë. Në momentin që u thirr mbledhja për djegien e mandateve nuk jam thirrur, por edhe nëse do të merrja pjesë do të deklaroja se kjo dëmton interesin e vendit dhe raportet me BE-në dhe SHBA-në. mendoj se ky është një vendim i marrë në mënyrë rrufe dhe vendime të tilla koha na tregon se mund ta çojnë vendin në destabilitet.
Unë do të doja që ky lloj modeli politik që e ka çuar vendin drejt destabilitetit politik i ka kushtuar shumë vendit. Akuzat ndaj meje vijnë nga shpirtë-ngordhurit dhe shpresë-shiturit, mua më intereson të jem përfaqësuese e denjë e popullit, një nënë e mirë dhe një grua e mirë, nuk më bëjnë përshtypje sharjet dhe etiketimet. Ka ndodhur dy herë edhe me tim atë që e kanë përjashtuar nga Partia Demokratike, ai është titulluar si kryetar i kësaj partie, dhe për këtë vendim PD është penduar. Prandaj duhet të jemi shumë të matur me këto vendime.
Unë nuk mund të marrë pjesë të marr vendime kundër interesit dhe Kushtetutës së Shqipërisë. Kjo bëhet duke luftuar brenda parlamentit, ne duhet të përmirësojmë sistemin aktual, dhe ky ka qene qëndrimi im. Edhe nëse më parë kam shprehur të djegim mandatet për t’ju bashkuar studentëve, e kam bërë për të përmirësuar sistemin. E kam shumë të vështirë të luftoj përkrah LSI-së, nuk është në moralin tim. Kjo parti është konstatuar edhe nga ndërkombëtarët që është e përfshirë në blerjen e votës.
(F.GJ/FAXWEB.AL)
