Pas deklaratës së mbrëmjes së djeshme të ish-ministrit të Brendshëm Saimir Tahirit ku ky i fundit foli për drejtësinë që nuk është vendosur ndaj Bashës dhe Mediut ka reaguar koordinatorja në PD-së Ina Zhupa.
Zhupa thekson se vetëm Tahiri nuk mund të jap leksione drejtësie pasi ishte kreu i narkotrafikut, i cili përdori si ministër makinën e tij për transport marijuanë.
“Nëse ka një njeri që duhet të ishte në burg për 21 janarin është Edi Rama, që për pushtetin e tij ishte gati të sakrifikonte këdo qytetar të këtij vendi, me uniformë ose pa uniformë, dhe vete u fsheh si struci. Dhe nëse ka një njeri që duhet të ishte prapa hekurave për shndërrimin e Shqipërisë në Kolumbinë e Evropës, ai është Sajmir Tahiri.”, shprehet Zhupa.
Kujtojmë që Tahiri dje theksoi se nuk e imagjinon dot që Lulzim Basha është akoma në parlament dhe nuk është gjykuar për Rrugën e Kombit, për Ziverin, Aleks Nikën e shumë të tjerë.
“Më falni që po e them por unë nuk e imagjinoj dot se në këtë parlament ndodhet Fatmir Mediu, i cili nuk u gjykua për Gërdecin. Unë nuk e imagjinoj që Lulzim Basha është akoma në parlament dhe nuk është gjykuar për Rrugën e Kombit, për Ziverin, Aleks Nikën e shumë të tjerë. Ky është turpi i drejtësisë”, tha Tahiri.
REAGIMI I PLOTË:
Ministri i brendshëm, i cili është i pari në historinë e Shqipërisë që është hequr me urdhër të partnerëve strategjik si kreu i narkotrafikut, i cili është ministri që përdori makinën e tij për transport marijuane të japë leksione drejtësie!!!!!!
Ndodh vetëm me Sajmir Tahirin.
Nëse ka një njeri që duhet të ishte në burg për 21 janarin është Edi Rama, që për pushtetin e tij ishte gati të sakrifikonte këdo qytetar të këtij vendi, me uniformë ose pa uniformë, dhe vete u fsheh si struci. Dhe nëse ka një njeri që duhet të ishte prapa hekurave për shndërrimin e Shqipërisë në Kolumbinë e Evropës, ai është Sajmir Tahiri.
Ndaj kini me shumë respekt për ata njerëz dhe familjarët e tyre, dhe mos i përdhosni sa herë ju duhen për të shpëtuar veten dhe për kapital politik. (J.V/Shuplaka)
