Analisti dhe pedagogu Agron Gjekmarkaj ka folur për mos deklarimin e vajzës së Azem Hajdarit e cila akoma nuk ka dorëzuar mandatin e deputetit siç kanë bërë gjithë PD-ja.
Ndërkohë vëllai i Rudinës, ishte dje krah Bashës në protestë dhe dënoi parlamentin e krimit, e motra e tij duket se do të marrë përsipër të krijojë opozitën e re përballë Ramës.
Gjekmarkaj shkruan se nuk e kupton dot sjelljen e Rudinës, ndërsa Basha po vonon vendimin për të pikërisht se është e bija e Azemit.
“Unë kam qenë një nga njerëzit që e kam mbështetur Rudina Hajdarin më një shkrim të veçantë, e kam ndarë nga lista e Lulzim Bashës. Nuk e njihja, por duke qenë se është e bija e Azem Hajdarit mendoja që Lulzim Basha në atë listë që e kam quajtur banale në shumicën e saj kishte bërë gjënë më të mirë që kishte futur vajzën e Azem Hajdarit.
Por nuk e kuptoj sjelljen e saj, kur ajo para dy muajsh tha se do jepte dorëheqje dhe do largohej për t’iu bashkuar studentëve, kur tani partia e saj, partia që e ka themeluar i ati lufton, po përdor një metafor, pra po lufton për jetë a vdekje për demokracinë. Për jetën ose vdekjen e demokracisë, jo të njerëzve, ajo rri në Parlament.
Nga pikëpamja etike më duhet gjest jo i përshtatshëm. Basha e ka lënë pezull, por dhe për arsye të mbiemrit që ka, pra mbiemrin Hajdari”, ka thënë Gjekmarkaj.
(E.K/FAXWEB.AL)
Discussion about this post