Një 32-vjeçar shqiptar u arrestua nga policia italiane pasi ai hyri në një shtëpi publike në zonën e quajtur Albignasego me një thikë kuzhine duke kërcënuar me vdekje sekretarin e klubit të natës dhe rojën e sigurisë pasi nuk e lanë të hynte pa kartën e anëtarësimit.
Fisnik Kuçi, 32 vjeç, tashmë mbahet në burgun e Venecias, bashkë me tre shqiptarë të tjerë për dhunën e shkaktuar në biznesin privat. 32-vjeçari shqiptar, pasi kërcënoi dy punëtorët e klubit, ia drejtoi thikën edhe administratorit, shkruan Gazettino.
Pasi e nxorrën jashtë herën e parë Kuçi u rikthye duke shqelmuar disa herë portën kryesore të klubit duke e shkatërruar e u fut në ambientin e brendshëm.
Ai nisi të godasë me gurë disa persona që ishin të pranishëm, duke i plagosur. Tani pritet dëmi ndaj Kuçit dhe tre miqve të tij. (M.D/ Shuplaka)
