Moderatorja simpatike e ekranit, Nevina Shtylla e cila ka drejtuar disa emisione rinore, së fundmi drejton ‘Jo Vetëm Modë’, i cili drejtohej më parë nga Floriana Garo.
Në një intervistë për ‘Mos i fol shoferit’ të Rudina Dembacajt, ajo është rrëfyer se nuk e konsideron veten si zëvendësuese të Florianës, e cila u largua drejt Zvicrës pasi u fejua me avokatin, Enis Daci.
“Kur bëhet një ndryshim i tillë, kur ndërrohet imazhi i emisionit, edhe vetë formula ka nevojë ndryshimi. Kam përshtypjen që edhe vetë Floriana e ka pritur mirë sepse ndoshta nuk do ishte e drejtë që dikush do merrte një punë që ajo e la, pra ta vazhdonte aty ku ajo e la. Nuk e ndjej se e kam zëvendësuar sepse nuk po bëj të njëjtën gjë. Eshtë diçka krejtësisht e re sepse secila po sjell diçka ndryshe,” – tha ajo.(M.Q/Faxweb)
