Presidenti serb, Aleksandar Vuçiç është takuar sot me ambasadorin e Kazakistanit në Beograd, Nurbah Rustemov, ku kanë biseduar për marrëdhëniet ndërmjet dy vendeve.
Sipas “tanjug”, gjatë bisedës, presidenti serb ka falënderuar kryetarin e Kazakistanit dhe kreun shtetëror të këtij vendi për faktin se nuk e kanë njohur pavarësinë e Kosovës.
Po ashtu mësohet se gjatë takimit është biseduar për “Hartën e rrugës” për bashkëpunimin ndërmjet Serbisë e Kazakistanit nënshkruar para dy vjetësh nga kryeministri i atëhershëm serb Aleksandar Vuçiç.
Gjithashtu është disktuar në lidhje për vendosjen e shpejtë të linjës ajrore Beograd – Astana. (S.SH/Shuplaka)
