Nuk e zgjasin shumë, të hënën do të jetë mbledhja e jashtëzakonshme e Kuvendit. me një axhendë mjaft të ngjeshur të hënën pritet të ndryshohen ministrat, 6 propozime janë në pritje të opozitës me emra teknicienësh.
Nga ana tjetër në Kuvend pritet të votohen dhe ligjet e Vettingut, që janë një pjesë tjetër e marrëdhënieve mes palëve.
Kujtojmë se zgjedhjet tashmë do të mbahen në 25 Qershor, vetëm një javë shtyrje nga data fillestare.
PARLAMENTI SIPAS MARRËVESHJES;
Votimi i organeve të vettingut.
Votimi i dekreteve për anëtarët e rinj të Këshillit të Ministrave.
Ndryshim i Kodit Penal për forcimin e politikës penale nëpërmjet ashpërsimit të sanksioneve, krijimit të veprave të reja penale, kthimin e shitblerjes së votës në vepër korrupsioni.
Forcimi i kuadrit ligjor të financimit të partive politike nëpërmjet rregullimit dhe kufizimit të shpenzimeve zgjedhore, përfshirë ato materiale, kostove dhe transparencës në lidhje me to.
Përmiresimi i standardeve të pasqyrimit të fushatës elektorale në media.
Votimi i anëtarëve të Këshillit të Ministrave, anëtarëve të organeve të vettingut dhe i legjislacionit të parashikuar në këtë marrëveshje, do të kryhet në të njëjtën seancë të jashtëzakonshme të parlamentit. (E.K/SHUPLAKA)
