Kryeministri Edi Rama ka mbajtur një takim pak minuta më parë së bashku me studentët e Universitetit të Buqësor të Kamzës. Në këtë takim Rama e ka cilësuar UBT-në si një qendër ekselence, e cila e ka treguar se i ka kapacitetet e duhura për të ecur para.
Në fjalën e tij, ndër të tjera Rama është shprehur se qeveria është angazhuar për rishikimin e standarteve të konvikteve të këtij universiteti, dhe se një gjë e tillë është verifikuar edhe me rektorin e UBT-së.
Rama po ashtu ka folur edhe për një projekt të cilin ka qeveria në lidhje me Universitetin Bujqësor, për të shndërruar atë si një qendër të ardhurash më vete, përmes krijimit të ferme didaktike për shkak dhe të kapaciteteve që ka ky universitet.
Si dhe po ashtu ai ka folur edhe për synimin në përfshirjen e UBT-së në listën e atraksioneve turistike për Tiranës.
“Kemi domosdoshmërinë që ta vëjmë këtë potencial edhe në funksion të mësimit më cilësor të studentëve. Ky universitet ishte një qendër ekselentë me reputacion ndërkombëtar për kërkimin shkencor. Sot është në një periudhë traumatike, ku edhe bibloketës iu vu zjarri.Për shkak të nevojës për të marrë mbrapsh pronat e humbura padrejtësisht. Dhe u desh kalonin thuajse 3 dekada për çlirimin e territorit të Universitetit.
Ne kemi diskutuar me rektorin që në takimin e parë masterplanin dhe gjërat morën rrjedhjën e duhur falë protestës. Ka nisur të krijojë dosjet e projekteve, që do përfshijë në planin e financimit që qeveria është detyruar të zbatojë.
Faktikisht, ne sot nuk bëjmë asgjë tjetër veçse financojmë një pakt. Prej tyre 31 persona janë punësuar në Ministrinë e Bujqësisë dhe Zhvillimit Rural. Nuk është thjesht një valë si kjo e 373 studentëve të parë, por një angazhim afatgjatë të Paktit të Universitetit. Ne do vazhdojmë dhe të integrojmë në administratë të gjitha kapacitetet e mira që dalin nga universiteti, duke iu referuar kategorive të ekselentëve.
Këtu kemi marrë vendimin e rindërtimin dhe krijimin e standardeve normale për të gjitha konviktet. Kemi bërë ndërhyrjet e nevojshme që konviktet t’i përgjigjen standardeve.
Ajo që po diskutoja me rektorin është kjo që universitetit bujqësor i takon, të krijojë edhe një model me të tjerët. Ku përfshihen pedagogë dhe studentët më të mirë dhe një terren që shërben si destinacion për praktikat mësimore dhe të gjitha proceset eksperimentale. Unë besoj që ky territor të përfshihet në listën e atraksioneve turistike të Tiranës, duke u shndërruar në një zonë tërheqësese për vizitorët nga jashtë. Kjo nuk është një ëndërr sy mbyllur. Është një ëndërr me sy hapur”, – tha Rama.
(B.L/FAXWEB.AL)
Discussion about this post