Analisti i njohur Baton Haxhiu i ftuar në emisionin “Open”, ka folur rreth masave që janë marrë nga qeveria e Shqipërisë dhe ajo e Kosovës duke i quajtur të pakta në sasi.
I pyetur nëse ka frikë apo jo nga koronavirusi ai përgjigjet duke e krahasuar situatën me luftën në Kosovë.
“Dal nganjëherë një shëtitje 30 minutëshe në këmbë ose me makinë për të shikuar si është qyteti. Nuk është hera e parë që unë izolohem. Lufta më ka izoluar për 8 ditë. Atëherë kërciste plumbat e kallashit tani kërcet frika dhe paniku. Nuk jam i shqetësuar për veten, por nuk mund të takoj nënën e cila ka më shumë se 80 vjeçe”, u shpreh Baton Haxhiu.
“Jemi në fillim të koronavirusit. Piku sipas shembujve të vendeve të tjera do të jetë pas 2-3 javësh. Kjo do shkaktojë një krizë të madhe ekonomike. Prandaj përgaituni për muajt e ardhshëm. Këtë frikë e kanë edhe vendet më sociale së Shqipëria”, u shpreh Haxhiu.
