Ish ministri i Brendshëm Fatmir Fatmir Xhafaj ka reaguar për operacionin policor “Ndëshkimi i ‘të fortëve”, që siç shkruan u idealizua dhe u realizua në këto dy muaj dhe nuk është show a betejë por sipas tij është një përballje reale me krimin.
“Ky operacion i ri që ideuam e realizuam në këto dy muaj nuk është show a ‘betejë’ në rrjete sociale, por përballje reale me krimin. Janë me fakte e emra konkretë ‘të fortësh’ që përballen me drejtësinë. Dëshmi e qartë e autoritetit të shtetit dhe të Policisë. #ForcaeLigjitnëTerritor?.
Forca e Ligjit në Territor në veprim pro aktiv goditës. Operacioni policor “Ndëshkimi i ‘të fortëve” është në rrugën e tij të suksesit. Në 7 ditë, mbi 50 persona u arrestuan, në 6 javë mbi 390 vetë në pranga! Rezultate që flasin vetë. Shifra sa për 1000 fjalë. Daullexhinjtë avazin.“- shkruan Xhafaj në Twitter.
Më herët drejtori i Departamentit për Sigurinë Publike, në Policinë e Shtetit, Gjovalin Loka në një deklaratë për mediat ka bërë me dije detaje nga operacioni “Ndëshkimi i të fortëve”.
Në një dalje për mediat Loka tha se “Brenda kësaj jave janë arrestuar 54 persona, të identifikuar me precedentë kriminalë apo si prishës të rendit, të konsideruar si “Të fortë’, arrestimi i tyre është bërë për armëmbajtje pa leje apo se janë në kërkim kombëtar e ndërkombëtar”.
“Gjatë veprimit të Forcës së Ligjit në Territor në kuadrin e operacionit policor “Ndëshkimi i të fortëve” nga strukturat vendore të Policisë, që prej datës 20 Shtator kur kanë nisur kontrollet, në total janë arrestuar rreth 390 persona në kontrollet proaktive në territor”, u shpreh më tej Loka.
(M.Q/Faxweb.al)
