Ju kujtohet Keti Bazhdari? Po Megi Ajtyresa? Dy gratë që ndenjën kohë larg jetës publike, tani do të rikthehen sërish. Siç mësohet nga listat paraprake, Keti Bazhdari dhe Megi Ajtyresa do të kandidojnë për Partinë Socialiste në Shkodër.
Keti Bazhdari u mund nga demokratja Voltana Ademi gjatë zgjedhjeve për Bashkinë e Shkodrës, por me sa duket nuk është dorëzuar. Kurse Megi Ajtyresa ka qenë kryetare e FRESSH-it.
Të dyja gratë janë vendosur përkrah emrave të Ditmir Bushatit dhe Paulin Stërkajt në një nga qarqet e vështirë për socialistët.
Në Partinë Socialiste po diskutohen emrat e fundit të listës, po ashtu edhe te LSI-ja. PD-ja vazhdon protestën në çadër dhe për të nuk ka zgjedhje nëse nuk realizohet qeveria teknike me dorëheqjen e Ramës. Dje parlamenti zgjodhi president Ilir Metën, por ende nuk dihet e ardhmja e zgjedhjeve. Kur do të mbahen? Është pyetja, përgjigjen e saktë të së cilës do të donin ta dinin të gjithë. (V.G/SHUPLAKA)
Discussion about this post