Nuk i dihet vendndodhja, Rama reagon për protestën e opozitës

Kryeministri Rama i cili u tha se do nisej për një vizitë zyrtare në Katar, por që shumë media thanë se e kishte anuluar këtë vizitë ka reaguar në Twitter në lidhje me protestën që po zhvillon opozita.

“Solidaritet me çdo punonjës policie që në ditë si kjo, duhet të përballet me ekseset fizike të një politike të dëshpëruar, pa kokë, pa drejtim, pa të nesërme! Keqardhje për policët e plagosur nga goditjet qorre të dy partive të verbuara, që marshojnë në rrugën e vetëshkatërrimit”, shkruan ai në Twitter.

Sipas raportimeve thuhet se janë plagosur 2 efektivë policie: Haki Nici i cili është goditur në kokë dhe Saimir Ismaili në këmbë. Gjithashtu është plagosur dhe ka marrë ndihmë në spital protestuesi Shaban Gjura.

Gjithashtu 2 zonja janë shoqëruar për në spital, ndërsa pak më parë në Faxweb u raportua plagosja në kokë i fotografit Arben Dajçi (lexo këtu).