Gazetari dhe analisti i njohur Mustafa Nano, duke iu referuar vizitës dy ditore të Patriarkut të Moskës, Kiril në vendin tonë një ditë më parë, e ka nisur monologun në emisionin e tij me një provokim ku shprehet se “Nuk dua që në krye të Kishës Ortodokse Shqiptare të jetë një grek”.
Nano tha se sikurse Fan Noli nuk mësohet dot me faktin që në krye të Kishës Ortodokse Shqiptare të jetë një grek. Sipas Mustafa Nanos, Noli do jetë kthyer përmbys në varr, pasi ai dhe ortodoksë të tjerë në SHBA punuan për krijimin e Kishës Ortodokse Shqiptare.
“Sesi më vjen që në krye të Kishës Ortodokse Autoqefale Shqiptare nuk është një shqiptar. Nuk u mësova dot me këtë fakt. I dua grekët, i kam xhan sa s’ka. Më nderojnë edhe po të më hynë në shtëpi. Por në respekt të historisë së vendit tim, nuk i dua që në krye të kishës Ortodoksë Shqiptare. Unë do doja që në krye të Kishës Ortodokse shqiptare të ishte një shqiptar, se ja sesi më duket që këto tre ditë në skenën shqiptare protagonistë të ngjarjes të javës të ishin dy të huaj, një grek dhe një rus. Personalisht nuk kam mundur të heq një sëkëlldi noliane, sesi më vjen që në krye të Kishës Ortodokse Shqiptare nuk është një shqiptar. Nuk mësohem dot me faktin që në krye të kishës Ortodokse Shqiptare të jetë një grek. Dhe ironia e historisë e deshi që në krye i Kishës Ortodokse Shqiptare në 25 vitet e fundit të ishte jetë një grek. Këtu nuk e kundërshtoi njeri në vitin 1992, por me siguri Fan Noli do të jetë kthyer përmbys në varr kur ka marrë vesh se kjo ndodhi”.
(M.Q/Faxweb)
