Lulzim Basha ka deklaruar nga Elbasani se nuk do të ketë aleancë PS-PD.
Ai ka thënë se Rama nuk i lan zullumet dhe gjynaghet e premtimeve të pambajtura duke u fërkuar pas tij dhe Partisë Demokratike.
Ai ka sqaruar publikisht tymnajat që po përpiqet Rama të mbjellë tek njerëzit.
“Dredhia e fundit e republikës së vjetër është ideja që po mbjell në kokat e njerëzve se ekziston një mundësi bashkëjetese me Republikën e Re. E keni vënë re apo jo. Luli është çun i mire. Unë nuk jam çun i mire, në këtë garë, ku do të vendosin shqiptarët për të ardhmen e tyre, unë jam më i miri.
Edi Rama nuk i lan dot zullumet dhe gjynahet në këto katër vite, braktisjen e premtimeve, gjendjen e mjeruar të ekonomisë, duke u fërkuar pas Republikës së Re, pas Partisë Demokratike, apo pas meje” tha Basha.
Basha tha se ka planin më të mirë për të nxjerrë Shqipërinë nga kriza, por kjo nuk bëhet duke bashkëjetuar me Republikën e vjetër.
Mbaje mend këtë që po të them. Ti të thuash nga mëngjesi në darkë që unë jam çun i mirë, elbasallinjtë dhe gjithë shqiptarët e dinë që jam çun i mire, por nuk jam thjeshtë i mirë por jam më i miri në këtë garë, me planin më të mirë, me vendosmërinë për ta nxjerrë Shqipërinë nga kriza. Dhe kjo nuk kalon nga bashkëjetesa me republikën e vjetër por nga mundja totale e republikës së vjetër me votën e bashkuar të shqiptarëve në datën 25 Qershor”, tha Lulzim Basha. (B.H/Shuplaka)
Discussion about this post