Kryen një vepër penale dhe nuk mjaftohet me kaq. Një i ri nga Tirana është arrestuar ditën e sotme pas një kontrolli në banesë ka dhunuar me grushte punonjësen e policisë.
Ai ishte gjetur me drogë dhe kontrolli në banesë ishte i nevojshëm për të parë nëse kishte sasi të tjera.
Sipas Policisë së Tiranës M.A ,23 vjeç, banues në kryeqytet dhe i dënuar më parë.
Arrestimi i këtij shtetasi u bë pasi në rrugën “Njazi Frakulla‘’, gjatë një kontrolli i’u gjet një sasi lëndë e dyshuar narkotike Cannabis Sattiva, ku më pas gjatë kontrollit të ushtruar në banesën e tij, ky shtetas ka kundërshtuar me dhunë dhe ka goditur me grusht punonjësen e Patrullës së Përgjithshme, të Komisariatit të Policisë Nr.1, shtetasen A. M”- njofton policia.
Sipas saj, në cilësinë e provës materiale u sekuestrua: 14.6 gramë lëndë e dyshuar narkotike e llojit Cannabis Sattiva.
Materialet proceduriale i’u kaluan Prokurorisë pranë Gjykatës së Shkallës së Parë Tiranë për veprat penale “Prodhimi dhe shitja e narkotikëve” dhe “Kundërshtimi i punonjësit të policisë së rendit publik”, parashikuara nga Nenet 283 dhe 236/2 të Kodit Penal”. (E.K/SHUPLAKA)
