Protestës së Shoqërisë Civile kundër “Velierës” i janë bashkuar edhe simpatizantë e përfaqësues të PD-së, të cilët kanë kërkuar bllokimin e punimeve që po kryhen sipas tyre në zonën arkeologjike në qendër të Durrësit.
Duke mos u ndalur nga reshjet e shiut, ata shprehen se kryetari i Bashkisë së Durrësit duhet të japë dorëheqjen. Pasi protestuan përkrah Torrës Veneciane, ata iu drejtuan në një marshim bashkisë së Durrësit, ku vendosën disa gurë në derën e bashkisë me simbolin se bashkia duhet të mbyllet dhe se Vangjush Dako duhet të përballet me drejtësinë.
Në banderolat e tyre ndër të tjera shkruhet: “E prekët Dyrrahun? Burg”, “Nuk e duam Velen me beton, e duam në det në horizont”. (XH.A/SHUPLAKA)
[ngg_images source=”galleries” container_ids=”1220″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post