Nuk ia del të ‘bindë’ opozitën për të kaluar projektligjin në Kuvend, Rama ndërron mendje. Ç’vendim mori

Opozita ka vendosur të mos marrë pjesë sot në seancën parlamentare, ndërsa maxhorancës i duhen 84 vota për të kaluar ligjin për reformën në drejtësi.

Nisma në fjalë është një ndryshim në ligjin “Për statusin e gjyqtarëve dhe prokurorëve në Republikën e Shqipërisë”, që i lejon Shkollës së Magjistraturës së pranojë studentë për vitin e ri akademik 2018- 2019, edhe pse ata nuk i janë nënshtruar më parë procesit të vetingut.

Duke mos pasur votat e nevojshme për të kalur këtë projekligj, burime për ‘Fax News’ bëjnë me dije se PS ka marrë vendim të tërheqë projekligjin në fjalë dhe votimi të shtyhet në një seancë tjetër.

Kërkesa përmban edhe shtyrjen e diskutimeve në seancë.

PD dhe LSI nuk pranuan të merrnin pjesë në këtë seancë pasi sipas tyre Kuvendi nuk ka marrë parasysh kërkesën e tyre për të shpallur të pavlefshëm votimin e ditës së enjte për projekligjin e Teatrit kombëtar.

(B.H/Faxweb)