Pas vendimit të Gjykatës Supreme në Greqi për të mos dorëzuar ushatërët turq, e ka bërë Turqinë që të rishohë marrëdhënien mes dy vendeve.
Në komunikatën me shkrim të Ministrisë së Punëve të Jashtme në Turqisë, shkruhet ndër të tjera se Turqia e proteston vendimin e Greqisë që pengon nxjerrjen përpara Gjyqësorit të personave të kërkuar, të cilët luajtën një rol aktiv në tentativën për grusht shteti.
“Përmes këtij vendimi të zyrtarëve grekë, që deri më sot kanë penguar llogaridhënien përpara drejtësisë të anëtarëve të organizatave terroriste, sidomos të DHKP/C-së dhe PKK-së, të cilat kanë në shënjestër Turqinë, është parë edhe një tjetër herë se Greqia, një vend fqinj dhe aleat, i bën bisht përmbushjes së kërkesave dhe përgjegjësive minimale në luftën kundër terrorizmit dhe krimit të organizuar.
Si një vend i ballafaquar me puçe ushtarake në të kaluarën, Greqia, mjerisht, me këtë vendim ka rënë në pozitën e një shteti përkrahës dhe strehues të puçistëve.”, shkruhet në vijim të komunikatës së ministrisë turke.
Më tej, Turqia zyrtare paralajmëron se ky vendim i motivuar politikisht do të ndikojë në marrëdhëniet dypalëshe, në projektet e përbashkëta, të cilat do t’i nënshtrohen një rivlerësimi tërësor:
Efektet e këtij vendimi, i cili mendojmë se është i motivuar politikisht, mbi marrëdhëniet tona dypalëshe, mbi bashkëpunimin tonë në luftën kundër terrorizmit dhe mbi projektet tona të përbashkëta në fusha të tjera bilaterale e rajonale, do t’i nënshtrohen gjithashtu një rivlerësimi tërësor. (XH.A/SHUPLAKA)
Discussion about this post