Inspektoriati Shtetëror Shëndetësor ka dalë sot me një njoftim për shtyp për sa i përket masave të marra për frenimin e pandemisë që ka përfshirë gjithë botën.
Në kuadër të këtyre masave edhe Shqipëria ka ndërmarrë një sërë nismash siç është ajo e mbylljes së bizneseve me shumë punonjës.
Por zbatimi i këtyre masave nuk ka gjetur mbështetjen e shumë subjekteve, prandaj Inspektorati Shtetëror Shëndetësor ka “zbritur” në terren për vendosjen e penaliteteve të parashikuara në aktin normativ të Këshillit të Ministrave.
Njoftimi i plotë
“Në inspektimet e kryera ditën e sotme nga Inspektorati Shtetëror Shëndetësor, ISHSH, në zbatim të planit të veprimit për përballimin e COVID – 19, u gjetën me shkelje 2 (dy) subjekte të cilat ushtronin aktivitetin e tyre kundërshtim me Aktin Normativ Nr. 2,datë 11.03.2020, Ligji Nr. 15, datë 10.03.2016 “Për Parandalimin dhe luftimin e infeksioneve dhe sëmundjeve infektive” i ndryshuar. Ndaj subjekteve u vendosën masat administrative si më poshtë:
- ISHSH, dega rajonale Tiranë, vendosi Masë Administrative 500 000 lekë ndaj subjektit me NIPT L53527801V, aktiviteti fasoneri.
- ISHSH, dega rajonale Berat, pas denoncimit të ardhur në Platformën e Bashkëqeverisjes, ushtroi sot në bashkëpunim me Policinë e Shtetit inspektim në subjektin me NIPT K62827021R, aktiviteti Ndaj subjektit u vendos Masë Administrative 500 000 lekë.
- Inspektorati Shtetëror Shëndetësor, ISHSH, ka kryer 1401 inspektime dhe monitorime në të gjithë vendin sot më datë 18 mars 2020. Inspektimet dhe monitorimet janë kryer në furra buke, dyqane dhe supermarkete, fasoneri, call centers, fabrika dhe njësi prodhimi, spitale, poliklinika, qendra shëndetësore dhe ambulanca, farmaci etj.
Jemi në terren gjatë gjithë kohës.Kujdesemi Për Shëndetin Tuaj. Zbatoni masat për parandalimin e përhapjes së COVID -19.
FRIKË ASPAK. KUJDES PO”.
