17 punonjës të stacionit të pompimit të ujësjellësit dhe elektrik në Poçem kanë dalë në protestë.
Ata kanë stakuar pompat e ujit dhe nënstacionin elektrik dhe kanë ndalur punën duke lënë pa energji elektrike një pjesë të fshatrave të Mallakastrës dhe gjysmën e territorit të bashkisë.
Stacioni është në varësi të uzinës së përpunimit të naftës Ballsh, ndërsa punonjësit e nënstacionit kanë 27 muaj pa marrë paga dhe sigurime.
Punonjësit thonë se protesta do të vijojë pa ndërprerje, dhe gjithçka që ata kërkojnë është rë marrin pagat.
Gjatë komunikimit në Fax Neës punonjësit janë shprehur se ka disa vite që ky nënstacion përballet me probleme të shumta, dhe kërkojnë që të ushqejnë fëmijët e tyre.
“Kam 40 vite që punoj në këtë nënstacion, por që nga 2015 më shumë se kemi marrë rrogën sesa e kemi marrë. Unë jam detyruar që të braktis punën për shkak se nuk marr pagën, edhe sikur skllevër të kishim qenë në piramidat e egjiptit, do na kishin dhënë të paktën bukë për të ngrënë. Ne vijmë në punë me 5 mijë lekë minus, kemi kaq vite që nuk dimë se çfarë janë festat’’, shprehet një prej banorëve, ndërkohë që një tjetër vijon më tej:
“Kemi marrë parasysh gjithçka. Të na japin pagat dhe ikim në shtëpi. Duam rrogat të ushqejmë fëmijët. Të reagoj ministria dhe kryeministri. Kemi kaq kohë pa u paguar dhe pa sigurime. Të gjendet zgjidhje”.
Discussion about this post