Nuk janë dakord me kushtet e tregut të ri, protestë e fuqishme në Shkodër: As ujë nuk ka, na prishet malli!

Aksioni i policisë bashkiake për heqjen e tregtarëve të perimeve dhe qumështit nga trotuaret, ka sjellë revoltën e këtyre të fundit në Shkodër.

Ata nuk janë dakord me tregun e ri të ndërtuar nga Bashkia e Shkodrës, pasi sipas tyre kushtet aty janë skandaloze. Tregtarët nuk kursejnë as akuzat në drejtim të Ademit, teksa thonë se nuk dihet se ku kanë shkuar paratë.

‘’Unë kam qenë tregtar në rrugë, ky që na kanë caktuar si treg nuk ka kushte, unë nuk e di si kanë hyrë tregtarët këtu. Se çfarë ka bërë Bashkia e Shkodrës këtu, unë nuk e di! Këtu nuk ka ujë, një shi të bjerë prishen perimet”, shprehet një prej tregtarëve.

Ndërkohë që një prej zonjave shprehet se malli në kushte të tilla prishet, dhe se dëmi që iu shkaktohet është shumë i madh.