Martesa e presidentit francez Emmanuel Macron dhe Brigitte Trogneux, duket një martesë e pazakontë kjo për shkak të diferencës së madhe moshore mes tyre.
Emmanuel dhe Brigitte janë martuar më 20 tetor të vitit 2007, kur ai ishte 29 vjeç, ndërsa ajo 44. Diferenca e madhe në moshë mes tyre, është diskutuar gjerë e gjatë jo vetëm në mediat franceze, por edhe në ato ndërkombëtare. Së fundmi, televizioni France 3 ka transmetuar një dokumentar për presidentin e ri ku ka transmetuar edhe pamje nga dasma e tyre.
Përpara të ftuarve në ceremoni, Emmanuel ka falënderuar të gjithë, në veçanti fëmijët e bashkëshortes: “Të dy jemi shumë të lumtur që ju jeni këtu sot, për të na shoqëruar në këtë ditë, sepse ju të gjithë jeni dëshmitarë të asaj që ne kemi jetuar në këto 13 vjet.
Ju e keni pranuar këtë lidhje dhe është vetëm falë jush që ne jemi sot këtu, për diçka që nuk është aspak e zakonshme, një çift aspak normal, edhe pse e dua shumë këtë epitet. Por ne jemi një çift që ekziston tashmë dhe kjo falë jush”.
Pas këtyre fjalëve, ka falenderuar në veçanti fëmijët që Brigitte ka nga martesa paraardhëse, Sebastian që sot është 42 vjeç, Laurence, 40 dhe Tiphaine, 33.
“Sepse nëse ka qenë dikush për të cilin nuk ka qenë e thjeshte, ka qenë pikërisht për ju”, janë fjalët e tij prekëse.
Historia mes tyre filloi kur ai ishte në moshën 15 vjeç, gruaja e tij ishte mësueja 40-vjeçare ish- e martuar me tre fëmijë, ku njëra nga vajzat ishte në klasën e Emmanuel Macron. Në orën e mësimit Brigitte e merrte gjithmonë si shembull para nxënësve të tjerë. Ai shkruante poezi gjithë kohës dhe ajo i lexonte. Më pas njëra ngjarje solli tjetrën dhe pas shumë vitesh, ata u martuan. (D.D/Shuplaka)
