Disa foto me përmbajtje aspak edukative vinë nga shkolla 9-vjeçare Mark Dashi Fier, ku gjatë një aktiviteti disa fëmijë shihen duke mbajtur në duart e tyre armë.
Fotot janë publikuar nga ana e deputetit demokrat Luçiano Boçi, ndërsa ai thotë se në këtë organizim ka qenë i pranishëm dhe drejtori i DAR në Fier.
Reagimi:
EDUKIM ME TREKËNDËSH
Mos u habisni!
Nuk jemi në Korenë e Veriut!
Fotot janë marrë në shkollën 9-vjeçare Mark Dashi Fier, përgjatë një aktiviteti ku nuk ka munguar dhe drejtori i DAR Fier.
Propaganda dhe riindoktrinimi nuk është rastësi.
Madje nuk po kursen as fëmijët.
Trekëndëshi i dikurshëm revolucionar “Mësim-Punë-Kalitje Ushtarake Revolucionare”, që nisi minimin e arsimit të atëhershëm, duket se po shfaq fantazmën e tij.
Tani mund të quhet “Trekëndëshi i Linditës”.
Kjo është më shumë se turp!
Në mungesë të çdo vizioni për edukimin me vlerat qytetare e europiane në shkollat tona, shabllonizmi nostalgjik është kthyer në qëllim.
p.s
Me e pa “Lideri Suprem” këtë lloj propagande, e anullon përfundimisht takimin me Trump dhe i lutet për takim këtij “Liderit Global” tonit.
(E.K/FAXWEB.AL)
