“Nuk jemi te kasapi kush vjen i pari blen i pari”, BE ‘përplaset’ me Britaninë për dozat e vaksinave

Brukseli po përpiqet të kërkojë dhjetëra miliona doza të vaksinave koronavirus të prodhuara për Mbretërinë e Bashkuar, por drejtuesit  e kompanisë AstraZeneca kanë lënë të kuptohet se nuk do t’i binden kërkesave të BE.

Shefat e BE kërkuan një devijim të destinacionit të vaksinave të Oksfordit , të prodhuara në Staffordshire dhe Oxfordshire, për të kompensuar një mungesë prej 75 milionë dozave në kontinent.

Komisioni Evropian tha se firma anglo-suedeze ishte e detyruar të përmbushë detyrimet e saj kontraktuale pavarësisht nga çështjet e prodhimit në vendin e saj belg.

Komisioneri i shëndetit i BE-së natën e kaluar këmbënguli se Britania nuk duhet të marrë përparësi, pavarësisht se Britania e Madhe nënshkroi një kontratë me AstraZeneca tre muaj para se ta bënte BE-ja.

Stella Kyriakides tha: “Ne e hedhim poshtë logjikën ‘Unë erdha i pari, mua duhet të më shërbehet i pari’. Kjo mund të funksionojë te dyqani i një kasapi por jo në kontrata dhe jo në marrëveshjet tona të përparuara të blerjes.”

Por ndërsa AstraZeneca u angazhua për një koordinim edhe më të ngushtë me zyrtarët e BE, kompania tha se kishte qenë e hapur me udhëheqësit e bllokut në lidhje me ndërlikimet e rritjes së prodhimit të saj të vaksinave.

Firma gjithashtu i kujtoi  udhëheqësve evropianë angazhimin e tyre për të siguruar miliona vaksina për njerëzit në të gjithë kontinentin ‘pa përfitim’ gjatë pandemisë.

Një zëdhënës mbrëmë i tha MailOnline: “CEO ynë Pascal Soriot ishte i kënaqur për të marrë pjesë në një takim këtë mbrëmje me Bordin Drejtues të Vaksinave të BE.Ne patëm një bisedë konstruktive dhe të hapur në lidhje me kompleksitetin e rritjes së prodhimit të vaksinës sonë, dhe sfidat që kemi hasur.

Ne jemi zotuar për një koordinim edhe më të ngushtë, për të hartuar së bashku një rrugë për shpërndarjen e vaksinës sonë gjatë muajve të ardhshëm ndërsa ne vazhdojmë përpjekjet tona për t’i sjellë vaksinat për miliona Evropianëve pa përfitime gjatë pandemisë.”

Kjo vjen ndërsa burimet thanë se Britania ka mjaft vaksina për të vazhduar procesin këtë vit dhe për të përmbushur objektivat e saj dhe gjithsesi mund t’i shpërndajë ato në vendet e tjera.

Ndërkohë një person i brendshëm i industrisë druan frikën se Brukseli mund të përpiqet t’i devijojë vaksinat e Mbretërisë së Bashkuar si “retorikë politike”, por paralajmëroi nëse do ta bënte atë “do të ishte një çështje e të drejtave të njeriut për miliona njerëz.