Nuk justifikonte pasurinë dhe fshehu dënimin kunatit, KPA jep njoftimin e rëndësishëm për ish-anëtarin e Gjykatës së Lartë

Anëtari i Gjykatës së Lartë, Tom Ndreca, nuk arriti të kalojë vetingun, kjo në sajë të në dy komponentët bazë, atë të pasurive dhe integritetit.

Këtë vendim të KPK, gjyqtari Ndreca e ka apeluar, ndërsa sot Komisioni i Pavarur i Apelimit, njofton se ditën e enjte, më datë 22.11.2018, ora 10:00, do të gjykohet në dhomë këshillimi çështja e tij, ndërsa ka publikuar edhe trupin gjykues.

Në njoftimin e KPA-së thuhet:

“Ditën e enjte, më datë 22.11.2018, ora 10:00, do të gjykohet në dhomë këshillimi çështja (JR) nr.16/2018, datë 12.09.2018 për ankimin që subjekti i rivlerësimit Tom Ndreca, ka bërë kundër vendimit nr.39, datë 17.07.2018 të Komisionit të Pavarur të Kualifikimit.
Trupi gjykues për gjykimin e kësaj çështjeje përbëhet nga:

Kryesuese: Albana Shtylla
Relatore: Ina Rama
Anëtarë: Natasha Mulaj, Rezarta Schuetz, Sokol Çomo

Seanca në dhomë këshillimi do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr.3. Tiranë.”

Kujtojmë se Ndreca, sipas KPK, gjatë analizës së pasurisë rezulton një diference te pambuluar në vlerën 1 milion e 300 mije lekeve. Gjithashtu sipas KPK , Ndreca nuk ka deklaruar një procedim të kunatit për prodhim dhe shitje narkotikësh.

(B.B/ Faxweb.al)