“Nuk ka asgjë që favorizon opozitën”, “Shpresojmë të përfshihen kushtet tona”, ç’mendojnë protestuesit tek çadra për paketën që po negociohet

Disa qytetarë, që për periudha të ndryshme kohore, vazhdojnë të qëndrojnë në çadrën e opozitës të ngritur që më 18 shkurt, kanë shprehur opinionet e tyre për paketën që po diskutohet sot në takimet e shumta kokë më kokë teksa afati 24 orësh i Yee për Bashën është drejt fundit.

Të pyetur për “Report Tv” se ç’mendojnë lidhur me këtë paketë, për marrëveshjen, ata janë shprehur se shpresojnë që marrëveshja të arrihet dhe të përfshijë edhe kushtet e tyre.

“Them që po sepse një krizë e zgjatur nuk i bën mirë shtetit”, “Nuk ka asnjë gjë që favorizon opozitën në këtë mes”, “Nëse arrihet një marrëveshje sot, kjo mund të zgjasë”, “Shpresoj në një marrëveshje që të përfshijë kushtet që kemi thënë”, “Shpresojmë të arrihet”, kanë qenë disa prej mendimeve që ata kanë shprehur.  

(XH.A/SHUPLAKA)