Ish-deputeti i Partisë Demokratike, Aleksandër Biberaj nuk sheh asnjë shqetësim nga marrëdhëniet e tensionuara mes Shteteve të Bashkuara të Amerikës dhe Iranit.
Ai deklaroi gjatë një interviste për “FaxNews” se Shqipërisë nuk i rrezikohet asnjë rrezik, ndërsa përjashtoi mundësinë që të nisë lufta.
“Nuk mendoj se do të kemi një përshkallëzim të mëtejshëm të situatës. Irani nuk shtë se tregoi ndodnjë objektiv të mirfilltë ushtarak me sulmin e saj. Në Lindjen e Mesme, Evropa në përgjithësi nuk ka qenë prezente dhe një nga të metat e politikës evopriane është pikërisht mungesa e kësaj prezence.
Vendet kryesore duhet të kishin një qëndrim sadopak të unifikuar në mbështetje të SHBA në raport me konfliktet me Iranin. Evropa mbetet e dobët politikisht, është më shumë e prirur që çdo vend të shohë interesat e veta.
Ajo mund të kishte qenë shumë më e pranishme në Gjirin Persik. Nuk ka për të shkuar situata deri tek Lufta e tretë Botërore. Presidenti amerikan është një biznesmen i fuqishëm, por edhe liderët e Iranit, por edhe të vendeve të tjera janë të interesuar për të ruajtur disa ekuiilbra”, tha ai.
Sipas Biberajt, qëndrimi i Shqipërisë në këtë rast ishte korrekt.
“Shqipëria është partnere e SHBA, kemi disa borxhe ndaj SHBA. Kishte nevojë për ndihmën tonë përsa i takon muxhahedinëve dhe ne i hapëm derën për të strehuar këtë opozitë të Iranit. Qëndrimi ynë ndaj SHBA është korrekt.
Nuk shoh asnjë rrezik për Shqipërinë sepse jemi larg Iranit dhe muxhahedinët i kemi marrë me ndërmjetësim dhe me vendim të SHBA. Nuk kemi përplasje interesash. Irani ka probleme me shumë vende të rajonit, ka armiq të mjaftueshëm përpara se të mendojë për një armiqësi me Shqipërinë”, deklaroi Aleksandër Biberaj.
Duke e ndalur theksin edhe tek aktualiteti politik dhe reforma zgjedhore, ish-deputeti i PD tregoi se në vend duhet të aplikohet sistemi me lista të hapura.
“Unë jam për sistem mazhoratirar ose me lista të hapura. Nuk jam për sistemin aktual me lista të mbyllura sepse shikohet se çfarë ka ndodhur që nga 2005, kemi pasur dëmtim të demokracisë. Listat e hapura mund të ishin një zgjidhje shumë e mirë.
Një sistem i tillë do ta ndryshojë situatën në Parlament. Sistemi aktual i ka shërbyer edhe në zgjedhjet e vitit 2009, edhe në 2013, edhe në 2017 për të monopolizuar deputetët. Partia Socialiste nuk ekziston më. Ky sistem e ndihmoi kryetarin e PS që PS ta transformojë në Rilindje”, tha Biberaj.
Ai i bëri thirrje opozitës që të rikthehet tek protestat për të ndryshuar situatën. “Opozita është e gatshme për të dialoguar me Rilindjen, por mazhoranca nuk ka vullnet. Kështu që unë them që duhet të rikthehemi tek protestat për të ndryshuar këtë realitet sepse situata është rëndë. Duhet të ndryshojë situata sepse nuk mund të vijohet më kështu pas 30 vitesh”, deklaroi Aleksandër Biberaj për “FaxNews”.
Discussion about this post