Kryedemokrati Lulzim Basha vijon turin e tij të takimeve me strukturat e Partisë Demokratike në rresthe. Gjatë takimit të sotëm nga qyteti i Fierit duke i konsideruar nul farsën e 30 Qershorit, e cilësoi atë një masakër të Kushtetutës, të ligjit dhe të standardeve.
“Farsa e 30 Qershorit është një grusht kriminal institucional i Edi Ramës për të pushtuar pushtetin vendor, për të shkatërruar KQZ-në dhe gjithë sistemin e administrimit të zgjedhjeve, përfshi Kolegjin Zgjedhor.”, tha Basha, ndërsa paralajmëroi se do fusë në burg nënkryetarin e KQZ-së Denar Bibën dhe anëtarët e tjerë që miratuan rezultatet e zgjedhjeve.
“Të gjithë ata që u bënë pjesë e këtij grushti kriminal institucional, me në krye ikonat e hajdutërisë dhe paligjshmërisë si Denarbibat që i shërbyen Edi Ramës për të dhunuar Kushtetutën dhe ligjin me 30 qershor, do të përgjigjen para drejtësisë për veprimet e tyre kriminale. Burgu i pret dhe nuk ka bandit e Bablok t’i shpëtojë”, deklaroi Basha.
Discussion about this post