Financimi për Murin e Meksikës nuk është në planet më të afërta të presidentit Trump. Këshilltarja e ngushtë e presidentit bëri të qartë se financimi i murit do mbetet jashtë buxhetit, i cili duhet kaluar të premten.
Mediat e huaja shkruajnë se duket se Presidenti i SHBA-ve ka hequr dorë nga muri, për të cilin deklaroi me krenari gjatë fushatës zgjedhore se do të ndërtonte murin dhe “Meksika do të paguajë përt të”.
Donald Trump i ka hedhur poshtë pretendimet e mediave. Në një takim të mbyllur me pjesëtarë të medias konservatore, shefi i Shtëpisë së Bardhë u shpreh se financimi i murit mund të realizohet më vonë gjatë vitit. Përmes “Twitter”-it, Trump e tregoi edhe njëherë se nuk ka ndërmend të heqë dorë nga ideja e tij.
Duke i cilësuar “fake news” ai u shpreh se nuk ka ndryshuar qëndrimin mbi murin, ai do të ndërtohet dhe do të ndihmojë të ndalohet droga apo trafikimi njerëzor.
(XH.A/SHUPLAKA)
Don’t let the fake media tell you that I have changed my position on the WALL. It will get built and help stop drugs, human trafficking etc.
— Donald J. Trump (@realDonaldTrump) April 25, 2017
