“Nuk ka hallin e hapjes së listave ka hallin që të heqë koalicionet”, Basha zbulon planin e Ramës

Kryetari i Partisë Demokratike Lulzim Basha në një konferencë për media ka reaguar në lidhje me deklaratat e Ramës për hapjen e listave në zgjedhjet e ardhshme. Sipas kryedemokratit halli i Ramës nuk është tek hapja e listave por te koalicionet pasi nëse ato lejohen koalicioni i gjerë midis Pd-së dhe LSI-së shpallet fitues.

“Edi Rama nuk donte depolitizim. Drejtorët e administratës merrnin urdhëra nga Pjerin Ndreu me shokë nga Ymer Lala me shokë, të cilët vodhën vota dhe kërcënuan qytetarët. Ndaj ne propozuam që ti depolitizojmë komisionet por jo me administratën publike. Presioni ndaj administratës publike është një çështjë që duhet zgjidhur. Njeriu që kontrrollon parlamentin, bashkitë, grupet kriminale dhe oligarkët fundosi sot marrëveshjen e 5 qershorit. Frika nga zgjedhjet e ardhshme është ajo që e shtyn Edi Ramën të bëjë lëvizjet që po bën këto kohë. Sot ranë dhe dorezat edhe maskat se Edi Rama nuk ka hallin te listat e hapura por tek koalicionet.”- tha Basha.