Nuk ka hapje negocitash me BE-në, Bushati e kthen në ditë festë: Ky është një sukses i përbashkët

Ministri i Jashtëm për Europën dhe Punët e Jashtme, Ditmir Bushati në një konferencë për shtyp para gazetarëve ka folur pas vendimit të ministrave të Jashtëm të BE të cilët vendosën shtyrjen e hapjes së negociatave pë Shqipërinë në qershor 2019.

Bushati u shpreh falenderues ndaj vendeve dhe institucioneve të BE-së. Sipas tij Shqipëria është në rrugën e pakthyeshme drejt integrimit në BE dhe se qytetarët nuk duhet të ndihen të zhgënjyer nga ky sukses i përbashkët.

“BE ka përcaktuar një afat kohor për fillimin e bisedimeve për anëtarësim. Është një praktikë e njohur edhe për Malin e Zi edhe për Maqedoninë. Presidenca e BE-së në mëbështjet të këtij procesi, nënvizojë se Shqipëria është një rrugën e pakthyeshme për në integrimin drejt BE-së.

Jemi dëshmitarë, kursi i reformave që ka ndërmarrë Shqipëria, është një kurs reformash impresionues, i cili natyrisht do të duhet të thellohet dhe më tej në ditën dhe në muajt në vijim. Ne do të punojmë pa humbur kohë në mënyrë që qershori i vitit 2019 ta gjejë Shqipërinë të përgatitur. Sot ishte një ditë e rëndësishme, për vetë procesin e zhvillimt.

72 orët e fundit kanë qenë orë të vështira, ku na është dashur të komunikojmë më të gjitha institucionet vendimarrësëe atje, për ti bindur për reformat dhe atë që do të vijë më pas. Dua të shpreh një falenderim shumë të madh për të gjithë BE-në.

Punuam dhe ja arritëm ditës që të kemi të parin rekomandim të pakushtëzuar, të drejtpëdrejtë për fillimin e bisedimeve për anëtarësim.

Për fat të keq këto ditë një pjesë e mirë e politikës dhe e medias kishin vendosur 28 Qershorin si ditën e bastit apo larjes së hesapeve me Shqipërinë dhe qverinë e Edi Ramës. Ky është një proces që nuk ka të bëjë me Shqipërinë dhe Shqiptarët dhe jo me një qeveri. Më vjen mirë që ky bast politik dhe mediatik nuk u përmbush sot. Sot është një ditë e gëzuar për të gjithë popullin shqiptar. Mbas këtyre spekulantëve mediatik dhe poltik, BE foli qartë sot nuk është një ditë e gëzuar për qeverinë, por është një ditë e gëzuar për të gjithë popullin shqiptarë. Askush nuk duhet të ndihet i zhgënjyer nga ky sukses i përbashkët.”

(M.Q/Faxweb)