Edhe pse kushtet e motit nuk janë të favorshme studentët nuk do ta ndalin protestën ne tyre.
Tashmë ata janë më të qartë se kurrë dhe nuk protestojnë të ndarë, të gjithë do të jenë përpara kryeministrisë, pasi Edi Rama është ai që po i mban peng kërkesat e tyre.
Studentët shprehen qartazi se nuk do të ketë dialog me kryeministrin, dhe ata nuk kanë asnjë qëllim rrëzimi pushteti apo ccështjesh politike.
Një grup i vogël studentësh e kanë gdhirë mëngjesin e sotëm në Bulevardin Dëshmorët e Kombit, duke mos e shuar për asnjë moment protestën.
Kërkesat e studentëve që mbahen pezull nga qeveria Rama:
1- Përgjysmim i tarifës së studimit
2- Rritja nga 10% në 50% e peshës totale të votës së studentëve për të zgjedhur kandidatët për dekan/rekrut dhe pritja e përfaqësisë së studentëve në senatin akademik me 20%.
3- Mbështetur në nenin 99, mbi Këshillat Studentore, Ligji i Arsimit të Lartë, pika 2 kërkon që bordi i Administrimit të IAL-ve të ketë numër të barabartë votash nga Ministria e Arsimit dhe Sportit dhe IAL-ve dhe të shtohet një përfaqësues në këtë bord nga studentët
4- Mbështetje e studentëve për kërkim shkencor
5- Mbështetje e studentëve të doktoraturës me fonde për kërkimin shkencor
6- Përmirësimi i kushteve të konvikteve të universiteteve
7- Dyfishim i buxhetit për arsimin e lartë
8- Pajisja e të gjithë studentëve me kartën e studentit brenda vitit akademik 2018-2020
(E.K/FAXWEB.AL)
