Nuk ka paqe në Korçë! 8 lëkundje tërmeti gjatë natës, banorët ‘të terrorizuar’

Nuk ka paqe nga tërmetet në vendin tonë, ku një nga zonat më të prekura është pikërisht ajo e Korçës. Pas trërmetit të orës së para të mëngjesit të djëshëm me magnitudë 5.2 i shkallës Rihter, të tjera lëkundje janë shënuar në 24 orëshin që pasoi.

IGJEUM raporton se për daten 2 nëntor janë regjistruar 8 tërmete të tjera, që pasojnë gjithë pasgoditjet e rëna gjatë datës 1 nentor. Banorët e zonave të Korçës, një pjesë e mirë e shtëpive të tyre janë të pabanuara, kërkojnë ndihmë, duke thënë se janë të harruar nga shteti.

Ata i kanë ndjerë të gjithë lëkundjet që pasuan tërmetin e mëngjesit të djeshëm, duke sqaruar se tashmë kanë frikë që të kthehen më në shtëpitë e tyre.