Nuk ka paqe në një të ardhme të afërt, Kremlini zbulon bisedën mes Putin dhe Trump: Rusia do të kundërpërgjigjet ndaj sulmit me dron të Ukrainës

Kremlini ka konfirmuar raportimet mbi bisedën e presidentit rus Vladimir Putin me presidentin amerikan Donald Trump, ku thuhej se ai i ka thënë Trump se Moska është e detyruar t’i përgjigjet Ukrainës për sulmet e saj brenda Rusisë.

Rusia ka paralajmëruar se do të kundërpërgjigjet ndaj sulmit të guximshëm me dron të Ukrainës “sipas mënyrës dhe kohës që ushtria jonë e konsideron të përshtatshme”, është shprehur zëdhënësi i Kremlinit, Dmitry Peskov, sipas Reuters.

Ndërkohë, presidenti amerikan Donald Trump tha se gjatë një bisede telefonike të paplanifikuar të mërkurën, Putin i kishte thënë në mënyrë të fortë se Rusia do të përgjigjej ndaj sulmeve të fundit ndaj bazave të saj.

Ambasada amerikane në Ukrainë ka paralajmëruar për rrezikun e vazhdueshëm të “sulmeve ajrore të mëdha” dhe ka këshilluar qytetarët të jenë të kujdesshëm.