Një shofer është në arrati, pasi u përpoq të godiste me makinë në një grup ushtarësh të cilët po vraponin pranë kazermave të tyre në Francën juglindore.
Ushtarët u hodhën në një hendek për të shmangur automjetin në Varces-Allières-et-Risset, pranë Grenoble-s.
Xhandarmëria ka dërguar patrullat e saj për të kontrolluar targat e automjetit i cili tentoi të shtypte një grup ushtarësh francezë.
Sulmi vjen menjëherë pas një pengmarrjeje në jugperëndim të Francës më 23 mars të këtij viti, sulm në të cilin mbetën të vrarë katër vetë, mes tyre dhe një polic.
Një shërbesë përkujtimore u mbajt të mërkurën për Lejtnant Kolonel Arnaud Beltrame, polici i cili shkëmbeu jetën e vet me një nga pengjet e ngjarjes së 23 marsit, në qytetin Trèbes. Kujtojmë që në këtë pengmarrje në një nga marketet e qytetit, mbeti i vrarë nga policia dhe terroristi i cili u vetëshpall se ishte anëtar i ISIS./ bbc.com
