Një gol që e priste më shumë se kurrë, për ta çliruar nga një gjendje psikologjike e vështirë. Mauro Icardi ka realizuar në Champions me fanellën e PSG, edhe pse me portën thuajse të boshatisur. Argjentinasi, megjithatë, sipas “Le Parisien”, ka zhvilluar një ndeshje të dobët dhe vazhdon të ketë probleme sa i përket përshtatjes me skuadrën dhe skemën.
“Shokët e ekipit kanë pasur vështirësi që ta gjejnë në fushë dhe të bashkëveprojnë. Mungesë shpërthimi. Por, kur duhet të shënojë golin, gjendet në vendin e duhur”.
Për gazetatën pariziene, “Le Parisien”, paraqitja e tij ishte normale. Më mirë se ai, në fakt, kanë qenë Thiago Silva, Kimpembe, Gueye, Verratti dhe Sarabia.
