Ndërsa artistët vazhdojnë të protestojnë prej ditësh në mbrojtje të Teatrit Kombëtar pasi qeveria këmbngulë që ta shembë, gazetari Arrjan Çani pëmes një reagimi në faqen online të emisionit të tij “Zone e Lirë”, thotë se Teatri duhet mbrojtur me çdo kusht.
Sipas Çanit do të mjaftonte që 100 qytetarë të mblidhen çdo mëngjes dhe çdo mbrëmje në shesh me nga një qiri të ndezur në dorë dhe “nuk ka pushtet në botë që nuk zbythet”.
Nga Arjan Çani
Teatri Kombëtar duhet mbrojtur me çdo kusht. S’ka nevojë për greva urie dhe as për sharje e fyerje publike.
Mjafton 100 qytetarë të mblidhen çdo mëngjes dhe çdo mbrëmje në atë shesh të bukur me nga një qiri të ndezur në dorë dhe nuk ka pushtet në botë që nuk zbythet.
Teatri ka qenë, është dhe do të jetë hapësira më e madhe shpirtërore e humanëve. I pari ka qenë Teatri (pra fjala).
Teatri mbrohet me vetëm 100 qytetarë të heshtur në atë shesh dhe mijëra të tjerë që i bëjnë like në rrjet. Le të përsëritet e njëjta skenë si ajo që pamë të premten në mbrëmje. Vetëm kaq mjafton. Përndryshe ruspa e pushtetit arrogant, do ta rrafshojë brenda një nate korriku Teatrin. Dhe korriku po vjen…
(B.H/Faxweb)
Discussion about this post