Numri dy i partisë së Kancelares Merkel në CDU/CSU, Dr. Johann David Wadephul ka folur për situatën politike në Shqipëri dhe shanset për hapjen e negociatave.
Deputeti gjerman në intervistën që ka dhënë për ‘Opinion’ tha se Shqipëria nuk ka plotësuar asnjë kusht për hapjen e negociatave, ndërsa përmendi me emër çështjet ‘Tahiri’ dhe Xhafaj.
Tek sa iu referua çështjes Tahiri ai tha se kemi të bëjmë deri sot me shkelje të hapur të parimeve themelore të shtetit ligjor, ndërsa iu referua deklaratës së ambasadorit Lu ai tha se akuzat e tij duheshin marrë seriozisjht pasi ai “deri tani nuk ka rënë në sy si mik i opozitës”.
Referuar deklaratës së tij juristi Çlirim Gjata deklaroi në ‘Fax News” se Europa foli qartë dhe pastër se Shqipëria nuk kishte përmbushur asnjë kusht, madje përmendi dhe me emër çështjet e ndjeshme.
Por Gjata tha se ajo çfarë i bëri më përshtypje ishte fakti që zëvendësi I Merkelit përmend ambasadorin amerikan në një vend tjetër dhe deklaron se “ Nuk ka rënë në sy si mik I opozitës”.
“Ajo që më bëri përshtypje ishte gjuha tepër e drejtpërdrejtë, që përdori, në e quajmë “shpullë surratit”. Ai për herë të parë përmendi çështjet me emër, përmendi çështjen Tahiri, përmendi çështjen Xhafaj dhe tha se negociatat nuk mund të hapen në këto kushte.
Tjetër ka përmendur dhe ambasadorin Lu, imagjinoni një zëvendës IiMerkelit të përmend ambasadorin amerikan me emër në një shtet tjetër, e shikoni kur jemi? E tha copë se ku jemi, e tha qartë dhe shqip. Ka kohë që thuhet se nuk janë plotësuar kushtet por qeveria në vend që të punojë për plotësimin e tyre i thellon ato. Më duket se gazetarja juaj kapi thelbin e problemit: Gjeni mor një njeri që s’ka asnjë vëlla asnjë kushëri të lidhur…kaq e thjeshtë është por nuk është e thjeshtë se qeveria e do të lidhur me krimin e organizuar se e do për të blerë vota. Më në fund Europa foli”, tha Gjata.
(B.H/Faxweb)
Discussion about this post