Ish-Miss Shqipëria, Egla Harxhi ka bërë sot një rrëfim të sinqertë për jetën e re, tani që është nënë e një djali.
Sot vogëlushi i saj Luxifer është 15 muajsh dhe Egla tregoi se babi i tij Alexandre de Basseville, nuk jeton me ta.
“Alexandre më ka thënë se detyra ime, ajo që mbaj mbi shpatulla, më bën të mos kem një jetë normale. Une e pranova se as unë nuk jam normale. Kur morëm vendimin për të qenë bashkë, ai ma bëri të qartë se familja e tij ka një protokoll të fortë, që është, detyra mbi të gjitha”, u shpreh Egla.
Ajo ka treguar gjithashtu se burri I saj nuk ishte present kur lindi djalin Lucifer.
“Është në udhëtime, vende të ndryshme të botës. Gjatë këtij viti 6 muaj nuk kemi qenë bashkë. Alexandre nuk ishte as gjatë lindjes së djalit. Unë i thashë, nuk është detyra jote fare dhe nuk doja të ishte aty. Unë e kam marrë përgjegjesinë 100% për jetën familjare”.
Egla në programin “Rudina” tregoi se Alexandre nuk është një baba normal, që mund t’i ndërrojë pelenën të birit. Gjëra të tilla sipas saj, as nuk i mendon.
Ish-missi u diskutua gjerësisht në media pas deklarimit të marrëdhënies treshe të dashurisë me të ashtuquajturin princin e Libofshës dhe Alesian, e më pas për emrin e pazakontë që zgjodhi për të birin.
