Ministri i Bujqësisë i Japonisë, Taku Eto, dha dorëheqjen pas deklaratës së tij se “nuk ka pasur nevojë të blejë oriz,” pasi gjithmonë e ka marrë atë falas nga mbështetësit.
Komentet e tij shkaktuan pakenaqesi të gjerë në publik, sidomos në një kohë kur Japonia po përballet me mungesa të orizit dhe rritje të çmimeve të këtij gruri themelor.
Eto solli dorëheqjen e tij të mërkurën, pas një reagimi të ashpër nga opozita, e cila kërcënoi të depozitonte një mocion mosbesimi nëse ai nuk largohej.
Ai pranoi se komentet e tij ishin të papërshtatshme dhe kërkoi falje për to.
Japonia ka pasur probleme me mungesën e orizit për shkak të kushteve të këqija të motit gjatë korrjes së vitit 2023, dhe një paralajmërim për një tërmet të madh ka shtuar panikun dhe ka shtuar kërkesën për këtë produkt. Çmimet e orizit kanë arritur nivelin më të lartë në dekada, duke e bërë të vështirë për konsumatorët përballimin e shpenzimeve.
