Në qytetin e Elbasanit është goditur një tjetër rast mitdhënie. Në pranga ka përfunduar 42-vjeçari Urim Bomova, banues në Maqedoni. Kjo pasi ky i funditi ofroi ryshfet policit rrugor me qëllim që t’i shmangej masës administrative.
“Arrestimi i tij u bë pasi në aksin rrugor Elbasan – Librazhd, është ndaluar nga Patrulla e Policisë Rrugore, për arsye se ka qënë duke drejtuar mjetin me targa DB 0478 AB në shkelje të Kodit Rrugor,” shkruhet në njoftimin e policisë.
Në momentin e ndalimit 42-vjeçari ka tentuar t’i jap një kartmonedhë 1000 lekëshe punonjësit të policisë rrugore me qëllim që t’i shmangej gjobës pasi nuk kishte vendosur rripin e sigurimit. Materialet i kaluan Prokurorisë së Rrethit Gjyqësor Elbasan për veprime të mëtejshme. (J.V/Shuplaka)
Discussion about this post