Arrestimi i kryebashkiakut të Lezhës Fran Frrokaj për shpërdorim me detyrën ka nxitur debate se po goditet vetëm krahu i opozitës nga drejtësia. Por analisti Arjan Curri tha sot në emisionin ‘Studio e Hapur’ të gazetares Eni Vasili se radhën për t’u arrestuar për çështje javësh e ka një tjetër kryebashkiak, në Jug të vendit.
“Kjo fushatë do të karakterizohet me arrestime të bujshme. Ndjej keqardhje dhe për këtë rast PD do e ketë të vështirë të fitojë këtë bashki ne Lezhe për shkak të goditjes. Loja nuk do lihet vetëm me kreun e bashkisë së Lezhës, pasi sipas logjikës time dhe të dhënave shumë shpejt një kryetar i një bashkie të jugut të Shqipërisë do të arrestohet. Ai është në siglën e PS, por e ka humbur mbështetjen”- tha Curri .
Ndërsa deputeti i Partisë Demokratike, Ervin Salianji, u shpreh se mund të jetë një kryebashkiak që Rama nuk i ka punët mirë dhe se mund të jetë vënë nga Koço Kokëdhima.
Salianji shkoi me tej dhe tha se e arrestuar mund të jetë kryebashkiakja e Sarandës, Floriana Koka. (B.H/Faxweb)
Discussion about this post