Biznesmeni i njohur Elton Ilirjani, me orientim të ndryshëm seksual, nuk e ka ndalur sulmin e tij ndaj kryetarit të Partisë Konservatore Kujtim Gjuzi, aktualisht deputet në Kuvend.
Dy ditë më parë ata u përplasën me thumbime të forta me njeri -tjetrin plot ironi e sarkazëm në një debat televiziv, ku Gjuzi nuk reshte së i kujtuari Iliarjanit se “mendjen e kishte tek prapakolpi”. Por, Ilirjani ia ktheu ndryshe përgjigjen Gjuzit, duke iu “vardisur” për t’i dhënë një puthje, duke “e joshur” se deputeti ishte “mashkulli i ëndrrave të tij” dhe sa më i vështirë të hiqej, aq më shumë e joshte!!!
Por, nënteksti i ashpër dhe fyes i debatit midis tyre, në dukje me etikë, nuk kaloi pa kërcënime nga Gjuzi, që deshi t’ia tregonte vendin Iliarjanit jashtë, në lagje.
Megjithatë, Ilirjani, nuk është kursyer këtë radhë. Ai s’e ka reshtur sulmin ndaj Gjuzit konservator dhe në Instagram ka bërë humor me qendrimin e deputetit, sipër derës së një WC-je femrash:
“Në tualet duke pritur Kujtën tim, se kam frikë se vjen Marsida lubia dhe ma rrëmben. Marsida, princesh ideale e shqiptarëve.” – ka shkruar Ilirjani, pa kursyer gruan nga Kavaja që është bërë objekt i mediave pas vrasjes së ndodhur në shtëpinë e saj të lidhur me një aferë dashurie e tradhtie.
“Nuk më erdhi Kujtja” vazhdon po me humor biznesmeni gay. “Kur pret Kujten dhe Marsiden ne tualet. O Zot perlat e Shqipërisë. O Zot, kur do të kthehem në Nju Jork,” – shkruan Iliarjani, ç’ka tingëllon si shprehje e qartë kjo e diskriminimit, sjelljes brutale në shoqërinë shqiptare ndaj kategorive të caktuara.
