Nuk merret parasysh apelimi, Albin Kurti dhe anëtarët e tjerë të Vetëvendosjes mbeten në burg

Albin Kurti një nga liderët e Vetëvendosjes në Kosovë vijon të mbetet në burg edhe pas vendimit të Gjykatës së Apelit në Kosovë.

Gjykata e ka refuzuar si të pabazuar ankesën e avokatit mbrojtës të të akuzuarit Albin Kurti, kundër aktvendimit mbi caktimin e masës së paraburgimit prej 1 muaji, të nxjerrë nga Gjykata Themelore në Prishtinë, në 7.11.2017.

 “Albin Kurti së bashku më Donika Kadaj-Bujupi, Albulena Haxhiu dhe Faton Topalli akuzohen për veprën penale “Përdorim i armës apo mjetit të rrezikshëm” nga neni 375 paragrafi 1 i Kodit Penal të Kosovës dhe Veprën penale; “Pengim i personit zyrtar në kryerjen e detyrës zyrtare” nga neni 409 i te njëjtit kod.

Kolegji profesional prej tre gjyqtarësh i kësaj gjykate, ka vlerësuar se pretendimet ankimore të mbrojtjes janë të pabazuara, ngaqë sikur del nga shkresat e lëndës, të akuzuarit Albin Kurti dhe Donika Kadaj-Bujupi me 26.11.2017, e kanë shkelur masën e arrestit shtëpiak, të caktuar nga ana e Gjykatës së Apelit më 25.11.2017.

Ndaj sipas Gjykatës së Apelit, Gjykata e Shkallës së Parë ka vepruar drejt, kur u ka caktuar masën e paraburgimit, konform dispozitës se nenit 183 paragfai 5 lidhur me nenin 187 paragrafi 3 të Kodit të Procedurës Penale”, thuhet në njoftimin e Gjykatës së Apelit.

(E.K/Faxweb)