Ministri i Punëve të Jashtme dhe Çështjeve të Evropës, Igli Hasani në një postim në rrjetin social X ka reaguar në lidhje me konferencën e djeshme në Këshillin e Sigurisë në OKB “Kosovë-Serbi”.
Hasani vë në dukje thënien e përfaqësueses së përhershme të SHBA-ve në OKB, Linda Thomas-Greenfield se “kërcënime akute ndaj sigurisë dhe stabilitetit që vijnë nga Kosova”.
Hasani shprehet se nuk mjafton vetëm dënimi i Banjskës, por duhet të sigurohet që të mos ndodhë më kurrë. Ai shton se Shqipëria do të qëndrojë krah Kosovës në parandalimin e çdo kërcënimi të jashtëm.
Postimi i minisitrit Igli Hasani në X:
Siç edhe Përfaqësuesja e Përhershme e SHBA-ve në Kombet e Bashkuara, Linda Thomas-Greenfield, vuri dje në dukje në takimin e Këshillit të Sigurimit të OKB-së, se ka “kërcënime akute ndaj sigurisë dhe stabilitetit që vijnë nga jashtë Kosovës”.
Nuk mjafton vetëm të dënojmë Banjskën. Ne duhet të sigurohemi që kjo të mos ndodhë më kurrë.
Ndërsa qëndrojmë në krah të Kosovës në parandalimin e çdo kërcënimi të jashtëm, Shqipëria do të vazhdojë të këshillojë liderët e Kosovës për rëndësinë e koordinimit të ngushtë me aleatët e saj kryesorë.
Discussion about this post