Ish-kryetari i Institutit për Studimin e Krimeve të Komunizmit, Agron Tufa paralajmëroi se shumë shpejt do të përballet sërish me deputetin e Partisë Socialiste, Spartak Braho në dyert e gjykatës.
Pas vendimit të Gjykatës së Tiranës për të pushuar çështjen në ngarkim të Brahos për shpifje, Tufa deklaroi se nuk do ta lërë me kaq këtë punë. Në “Facebook”, ai u shpreh se shumë shpejt në gjykatë do të ketë padi të reja edhe më të rënda kundër socialistit.
“Le të ngazëllejë për pak gazeta “Transheja e kuqe”, organ i ish-Sigurimit, veglave të tij dhe qenefeve komuniste-enveriste për pushimin e padisë ndaj Braho & co, me shkak procedurat. Së shpejti do të ketë depozitim për një sërë padish të reja edhe më të rënda, në shkallë të gjerë.
Mos t’i rrejë mendja për tërheqje! Jam qytetar dhe do të respektoj ligjet, derisa të bëhet funksional shteti ligjor. Nuk do të mund të më fshihen dot në të drejtën time të ligjshme para drejtësisë!”, tha Agron Tufa, i cili la drejtimin e ISKK për të kërkuar azil politik në Zvicër, pas kërcënimeve që mori këtu.
(M. I./ Faxweb.al)
Discussion about this post