Një çift amerikanë këtë fundjavë kanë kurorëzuar dashurinë e tyre me martesë në qytetn e Shkodrës.
Arsyeja se pse kanë zgjedhur këtë qytet, ka qenë sepse janë njohur pikësrisht në Shkodër.
Por ajo që ka bërë përshtypje për qytetarët ka qenë ceremonia dhe vendi ku ata kanë zgjedhur ta zhvillojnë, terk shtëpia e Pashko Vasës.
E ndryshe nga dasmat tradicionale shqiptare, kurorëzimi i tyre në martesë ka emocionuar të ftuarit, të cilët kanë ndarë këto momente në rrjete sociale.
“John & Kelly, dy miqtë tanë amerikanë sot na mblodhën për të festuar martesën e tyre. Ata u njohën në Shqipëri ndaj edhe dasmën vendosën ta bënin këtu.
Nuk na mblodhën në ndonjë nga ato lokalet plot xixa e mish, tallava e alkool lumë, por te shtëpia e Pashko Vasës në Shkodër e cila fatmirësisht ka shpëtuar pa u shndërruar në kullë por vazhdon qëndron krenare si i zoti.
Dashurinë e tyre e kurorëzuan te shtëpia e një prej njerëzve që e deshi fort Shqipërinë.
Një dasëm e mrekullueshme!”, shkruan aktivisiti Besjan Pesha bashkangjitur fotove të çiftit.
(E.V/Faxweb.al)
