Nuk ndalet Donald Lu: Gangsterët të futen në burg, mjaft u zutë dhe futjuni punës!

Ambasada Amerikane nuk ndalet me deklaratat në lidhje me gjendjen e krimit në vend. Në emër të selisë diplomatike amerikane, Lu ka komentuar një koment të gazetarit Skënder Minxhozi në Facebook.   

Minxhozi kishte një koment me titullin ”Krimi një emergjenë kombëtare, jo një luftë partish”, dhe duket se kjo ka gjetur dhe miratimin e plotë të ambasadorit Lu. 

“Të lumtë, Skënder Minxhozi! Të gjithë nxitojnë ta shohin këtë betejë si kundër PS-së apo PD-së. Ne amerikanët, duam veprime vendimtare kundër peshqve të mëdhenj të krimit.

Ne duam që të gjithë shqiptarët të ndalojnë grindjen dhe të fillojnë punën drejt një synimi të përbashkët: këta gangster të futen në burg. Mjaft u zutë dhe futjuni punës.” – thuhet në deklaratën që mban nënshkrimin “Ambasadori Donald Lu”.

Mesa duket Donald Lu ka dashur që të shmanget nga debatet e politikës për të gjetur fajtorë dhe kërkon rezultate për peshqit e mëdhenj. Pak ditë më parë ambasadori foli për katër klane dhe 20 familje të lidhura ngushtësisht me krimin në vendin tonë.

(E.K/SHUPLAKA)